Ny frist for søking til FAU blir 1.februar 2010. Man kan bla søke om støtte til ekskursjoner, klasseturer og sosiale arrangement.
Søknadsskjema finner du under “Søke om penger?”: http://kattaelevrad.wordpress.com/søke-om-støtte/
Arkiv for november 2009
Referat frå elevrådsmøte måndag 23.11.09
In Referat on 28 november 2009 at 10:07
Til stades: 1a, 1b, 1mka, 1mkb, 1mdm, 2a, 2b, 2d, 2mka, 2mkb, 2ib, 3a, 3b, 3c, 3d, 3e, 3ib, UB
1. Onsdag 2. desember
Fylkesrådmannen arrangerer elevseminar for skolering av tillitsvalde 2. desember. Vi sender Jørgen S (1mkb), Jørgen M (2mk) og Odin (2mk) dit 
Ekstra: Tysdag 1. desember arrangerer Elevorganisasjonen ein skulemiljøkonferanse som Elisabeth og Nora frå styret skal delta på.
2. Elevforsamling med EOST 15. desember
Elevorganisasjonen i Sør-Trøndelag (EOST) arrangerer elevforsamling på Brundalen vgs tysdag 15. desember kl 10-15. Vi skal sende 1 delegat som har tale- og stemmerett, og 4 observatørar som har talerett. Signe (styret), Even (2B), Jonas (1D) og Unndis (1D) skal delta. På møtet valde vi Anja i styret til delegat, men det har i ettertid kome fram at ho ikkje kan vere med likevel.
3. Open dag-gruppe
Open dag på skulen skal arrangerast onsdag 27. januar. Vi må ha ei gruppe som organiserar det no, men guidar og andre som skal vere med på det kan melde seg seinare. Jorun (1b), Matias (1mka), Marie (1mdm) og Vilde (UB) vil vere med i gruppa. Hugs å seie frå i klassane, viss de ikkje har gjort det, og send ein e-post eller kom innom Glassburet og sei i frå om de er nokon fleire som vil vere med
4. Foreslått reduksjon av ressursar til IB og MK
- Ole (3IB) og George (2IB) har skrive lesarinnlegg og brev om saka. Karianne Tung (AP) har gjeve tilbakemelding på det og sagd at ho skal ta det med til gruppemøte den 30. november.
- Ungdommens Fylkesutvalg kan kanskje skaffe oss taletid i fylkestinget for å leggje fram vårt syn i saka.
- MK-elevane kjem til å måtte vere 30 i ei klasse viss nedskjæringane blir vedteke, og det vil òg gå utover innkjøp av utstyr. Dei skal òg skrive brev om saka, og får kanskje til eit samarbeid med MK-elevar på andre skular.
- Det kom forslag om å ha ein underskriftskampanje. Vi skal ha ein om IB fyrst, og då kjem George (2IB ) og nokre frå styret til å besøke klassane for å fortelje om saka og samle underskriftar. Det blir truleg ein om MK seinare, men vi skal prøve å få til eit samarbeid med dei andre skulane som har MK-linje fyrst.
5. Radiator
Alle må varsle i klassane om at folk ikkje skal ha føtene på radiatorane under vindauga i M-bygget. Omnane tålar det ikkje, og det kan bli oversvømming viss dei dett ned. Eit varsel på omnane etterlysast
6. Underskriftar om haustferien
Mange leverte underskriftar frå klassane, men det var nokre som hadde hatt litt problem med å få samla inn.
7. Eventuelt
a) Volleyballag Reina arrangerar miksturnering. Alle som vil kan lage lag og vere med. Det skal vere 6 på kvart lag, og turneringa er i KVT-hallen 9. januar. Det kostar 700 kr å vere med, og det er mange fine premiar å vinne. Ta kontakt med Mari Lovise (3C) på marilovise@hotmail.com
b) Det kom spørsmål om det er mogleg å søkje pengar frå den kulturelle skulesekken, til teaterbesøk til dømes. Det er nok ikkje mogleg, men den kulturelle skulesekken har nokre arrangement som Kattaelever vere med på. Full oversikt finn de her:
http://www.dkstrondelag.no/ksys/find.shtml?fid=0&vie=prg&sid=5648&fid=0&vie=prd&kid=0&fid=0&vie=prd&eid=0&public=0&typ=0&lag=&hag=&cri=
c) 3MDM spurde etter tips til korleis kan dei vere flinkare på PR til dei andre linjene når dei skal ha konsertar. Dei fekk tilbakemelding om mellom anna at det å spele i kantina var veldig bra, og at det er lurt å bruke facebook aktivt.
d) Ballet blir 17. desember! Meir informasjon kjem frå ballkomiteen etter kvart
e) 3B har fått feil namn i Kattalogen. Det kjem klistrelappar med namna til 3B som kan settast inn i Kattalogen, og dei kan hentast av dei som vil! De skal få varsel når dei har kome
f) Fleire har ikkje fått Kattalogen, og ein elev hadde fått rekninga si med nokon andre sin Kattalog. Alle som har hatt problem med Kattalogen bør ta direkte kontakt med Iris skolefoto, på kundeservice@irisskolefoto.no! Dei brukar å svare ganske fort
g) Neste veke har nokre, tentamenar og heildagsprøver tre dagar på rad. Det er ikkje nokon reglar mot det eigentleg, så lenge prøvane ikkje er på same dag, men nokre opplev at lærarar ikkje tek omsyn til prøveplanen. Dette må de ta opp med lærarane direkte.
h) Det kom spørsmål om korleis det blir med støpsel i nye garderobar, og om det blir fleire i kantina. Dette skal vi undersøkje!
i) Fristen for å søkje til EO-fondet har diverre gått ut.
j) Spørsmål om alle skal ha pc på skrivedagar. Fyrsteklassingane hadde ikkje fått pc fordi vg2 hadde skrivedag samstundes. Vi skal høyre kva leiinga meiner om dette.
k) Nokre saknar kaldvatndispenserane i vestibylen, men vi veit ikkje når dei kjem tilbake. Vi får sjå kor fort dei blir ferdige med bygginga der.
l) Kanonballturneringa er utsett til 10. desember. Kvar klasse kan stille med to lag, på 4-7 spelarar. Påmelding skjer til sportsgruppa på ingree@msn.com innan 30. november
Ps: Tips om Bolla og Lillebillfestivalen som går føre seg på Isak denne helga (26.-29. november. Det er fleire elevar på skulen som er med på arrangere den
Vensam helsing
Nora Malini Sætherø
elevrådssekretær
Innkalling til elevrådsmøte måndag 23.11.09
In Innkallinger on 19 november 2009 at 11:16
Tid: Måndag 23. november kl. 12.45
Stad: M29
1. Godkjenning av innkalling og referat
2. Elevseminar 2. desember
Fylkesrådmannen arrangerer elevseminar for skolering av tillitsvalde 2. desember. Vi skal sende 3 tillitsvalde dit – meld dykk på møtet viss de er interesserte
3. Elevforsamling med EOST 15. desember
Elevorganisasjonen i Sør-Trøndelag (EOST) arrangerer elevforsamling på Brundalen vgs tysdag 15. desember kl 10-15, og vi kan sende opptil 5 elevar dit. Alle som er interesserte må kome på elevrådsmøtet - dette gjeld ikkje berre tillitsvalde, så hugs å ta opp dette i kontakttimen
4. Open dag-gruppe
Vi treng ei gruppe til å vere med å planleggje Open dag på skulen. Sei frå i klassane og be alle som er interesserte om å kome på elevrådsmøtet!
4. Foreslått reduksjon av ressursar til IB og MK
Elevrådsstyret informerer
5. Radiatorar
Elevrådsstyret informerer
6. Haustferien
Innsamling av underskrifter
7. Eventuelt
Vel møtt :)
Venleg helsing
Nora Malini Sætherø, sekretær
Innkalling til elevrådsmøte måndag 09.11.09
In Innkallinger on 5 november 2009 at 7:52
Tid: måndag 09.11.09 kl 12.45
Stad: M29
Les meir under “read more and comment” eller klikk på overskrifta
En sak med et par års historie ..
In Info on 2 november 2009 at 11:10Urinaler på guttedoen:
Det blir urinaler på de nye toalettene i vestibylen, se vedlagt
tegning. To stk enmanns-urinaler i tillegg til 5 dobåser på guttedoen.
De to urinalene vil derfor legge til rette for de som ønsker sosialt
samvær også på toalettet.
